सरकारले यस वर्ष मोटा धानमा दुई सय ३१ र मध्यम धानमा दुई सय ३४ रुपैयाँ प्रतिक्विन्टल बढाएको छ । गत वर्ष सरकारले मोटा धानको दुई हजार नौ सय ६७ रुपैयाँ र मध्यम धानको तीन हजार एक सय २८ रुपैयाँ तोकेको थियो । यस वर्ष मध्यम धानको तीन हजार तीन सय ६२ रुपैयाँ र मोटा धानको तीन हजार एक सय ९८ रुपैयाँ तोकेको छ ।

किसान समूह महासंघका अध्यक्ष नवराज बस्नेतले समयमै धानको समर्थन मूल्य तोकेर उत्साहित बनाए पनि रोपाइँ कम हुने आकलनले खाद्य संकटको जोखिम रहेको बताए । उनले भने,‘असार सकिनैलाग्दा ५० प्रतिशत पनि रोपाइँ भएको छैन, धान उत्पादन घट्दा संकट हुने चिन्ता थपिएको छ ।’ यसपटक मौसम पूर्वअनुमान महाशाखाले पनि कम पानी पर्ने आकलन गरेको छ । कृषि मन्त्रालयका अनुसार हालसम्म करिब ४५ प्रतिशत धान रोपाइँ सम्पन्न भएको छ । कम पानी पर्ने र धान रोपाइँ नै कम हुने हुँदा उत्पादनमा ह्रास आउने अनुमान गरेर सरकारले किसानको धान सबै खरिद गर्ने लक्ष्य राखेको छ ।